FAIZ AHMED FAIZ POETRY

فیض احمد فیض کی نظم جیسے کل لکھی گئ ہو 

جس   دیس   میں    آٹے    چینی  کا 

بحران   فلک     تک      جا     پُہنچے 

جس   دیس   میں  بجلی  پانی    کا 

فقدان   حَلق   تک     جا       پُہنچے 

جس  دیس  سے   ماؤں   بہنوں  کو  

اغیار    اٹھا    کر      لے      جائیں 

جس    دیس  سے  قاتل   غنڈوں کو 

اشراف    چُـھڑا   کر     لے    جائیں 

جس   دیس  کی کورٹ کچہری میں 

انصاف     ٹکوں    پر      بکتا    ھو 

جس  دیس   کا   منشی قاضی بھی 

مجرم   سے    پوچھ    کے لکھتا ھو 

جس   دیس    کے   چپے   چپے  پر 

پولیس      کے     ناکے ھوتے   ھوں 

جس  دیس   میں جان کے   رکھوالے 

خود   جانیں    لیں   معصوموں   کی 

جس   دیس   میں  حاکم   ظالم   ھوں 

سسکی   نہ   سنیں  مجبوروں   کی 

جس   دیس   کے   عادل  بہرے  ھوں  

آہیں    نہ    سنیں    معصوموں   کی 

جس   دیس  کی  گلیوں  کوچوں میں 

ہر    سمت     فحاشی    پھیلی    ھو 

جس    دیس    میں    بنت   حوا   کی  

چادر   بھی    داغ    سے    میلی  ھو 

جس    دیس   کے   ہر   چوراہے  پر 

دو     چار     بھکاری    پھرتے   ھوں 

جس  دیس  میں  روز   جہازوں  سے 

امدادی      تھیلے      گرتے      ھوں 

جس  دیس   میں  غربت   ماؤں  سے 

بچے        نیلام        کراتی       ھو 

جس   دیس  میں  دولت شرفاء  سے 

نا    جائز     کام       کراتی       ھو 

جس   دیس  کے   عہدیداروں   سے 

عہدے   نہ   سنبھالے    جاتے   ھوں 

جس    دیس  کے  سادہ   لوح انساں 

وعدوں   پہ  ہی    ٹالے  جاتے   ھوں 

اس   دیس   کے   ہر  اک    لیڈر پر  

سوال       اٹھانا     واجب        ھے 

اس  دیس   کے  ہر  اک   حاکم  کو 

سولی   پہ   چڑھانا    واجب     ھے